Committee on Basic Ecclesial Communities
Catholic Bishops’ Conference of the Philippines
______
“Pannakatubay dagiti BEC’s/ SISA/ Gimong
tapno agbalin a gubbuayan ti panagririnnanud,
pannakipaset ken panagmission.”
(Ilocano Version)
Introduction
The Catholic Bishops’ Conference of the Philippines has designated 2017 as Year of the Parish as Communion of Communities. As part of the preparation and celebration, the diocesan, vicariate and parish BEC Formation Teams are encouraged to conduct formation sessions that will promote or revitalize the Basic Ecclesial Communities (BEC’s) in their respective dioceses, parishes and local communities. Some have already their own formation modules and while others are looking for one. Thus, we have come out with this BEC Evangelization Modules which they may find useful. This is the English version. Permission is given to translate this into other languages or dialects. It might be useful to make this as a basis for multimedia presentations.
There are nine sessions and they can be conducted as an intensive week-end seminar, or for nine consecutive evenings or by installment over several weeks. It is best that it be given first to the members of the diocesan/parish BEC formation teams and core-groups. The formation teams can then facilitate this at the barangay level or purok level in the BEC chapels if they have any. Streamers and posters can be dissiminated to inform the people about it. The parish priests and/or their parochial vicars should accompany the members of the formation team as they conduct these formation sessions – even if not the whole time. This is an expression of the missionary nature of the parish – mission/evangelization conducted within the parish.
The members of the formation team should come together before each session to pray for divine assistance and guidance. Above all, they should pray that through these sessions, the hearts and minds of the participants will be touched, personal conversion experienced and the BECs will grow and be renewed.
The modules are not written in stone, so we leave to the BEC Formation Teams to modify the process, be more creative, add songs and make it suitable to the audience. The content for the input are the basic ideas so those giving these lectures may add their personal experience, illustrations and stories.
These modules may be used not only during the Year of the Parish as Communion of Communities but also even after it as a way of forming BECs or revitalizing these.
We wish to express our gratitude to MISSIO-Aachen and HELP-BEC (USA) for the support extended for the publication and dissemination of these modules.
Fr. Amado L. Picardal, CSsR
Executive Secretary
CBCP-BEC Committee
Urnos dagiti maar-aramid
1. Pammasangbay
2. Kanta Panglukat – Jesus the Sweetest Name of All, Come Holy Spirit
3. Kararag Panglukat
4. Ebanghelio: Marcos 8:27-29ff
5. Kabukbukodan a panagamiris/ panagpampanunot (kabayatan a mingmingmingan ti ladawan ti Nasantoan a Puso -no adda – kabayatan ti nalamuyot a tukar.)
Tarabay a saludsod: Siasino kadi ni Jesus para kenka? Ania kadi ti ammom mapapan ken Jesus? Kasano a napadasam iti panagbiagmo ti kaadda ni Jesus?
6. Panagbibinnuray iti babassit a grupo. (Magrupo-grupo dagiti makipaset iti sagtunggal 5-7 a kameng kada grupo. Mabalin a mangurnosda iti “creative report” no tarigagayanda)
7. Panagreport iti dakkel a tallaong (plenum)
8. Panangpauneg iti bunga ti report ti tunggal grupo (mabalin a maysa wenno dua ti mangipaay)
9. Siuulimek a panagamiris a sarunoen ti kararag panagyaman babaen kadagiti nakipaset.
10. Kanta Panggibus – Thank You, Lord
Pammasangbay/ Pakauna:
Ti tema ti umuna a Patangan ket “Pannakisinnarak ken Jesus”
Apay a pagpapatangan ken pagam-amirisantayo ti maipapan ken Jesus?
Agsipud ta isu ti sentro ti pammatitayo ken isu ti sentro ti Iglesiatayo, ti Nakristianoan a Gimong.
Ti programatayo maipapan iti Baro a Panangikasaba ti Ebanghelio ket masapul a nakasentro iti pannakaammo ken pannakisinnaraktayo ken Jesus tapno kabaelantayo a suroten ket makapagbiagtayo a kas adalanna.
Segun iti Mensahe iti Sinodo dagiti Obispo maipapan iti Baro a Panangikasaba iti Ebanghelio:
”Ti panangiturong kadagiti lallaki ken babbai ken Jesus iti agdama a panawentayo para iti pannakisinnarak kenkuana ket maysa a napateg unay a banag a mangsagsagid iti amin a suli ti lubong, iti nabayagen wenno nabiit pay a panangaskasaba.”
Awagantayo ti bagbagitayo a kas Kristiano ngem kasano kadi ti kauneg ti pannakaam-ammotayo ken Jesus?
Kasano a kinasinnaraktayo iti panagbiagtayo? Agbibiagtayo kadi a kas pudpudno nga adalanna?
Agtitipontayo a kas Simbaan Sangakarrubaan (SISA)/BEC para iti agtultuloy a patangan tapno mapabilegtayo a mangam-ammo ken makisinnarak ken Jesus.
Namnamaentayo nga ibunga daytoy ti panagbalbaliw ti panagbiagtayo ket ikagumaantayo ti agbalin a pudpudno nga adalanna – kas kamkameng ti SISA/BEC.
PANANGPAUNEG (INPUT):
(Mabalin nga irugi ti resource person ti panangpauneg babaen ti panangdagupna iti bunga/resulta dagiti patangan grupo a naiburay iti tallaong (plenum). Ti sumaganad dagiti tulbek a panunuten iti input)
Ti pamunganayan a saludsod segun iti maikadua a Konsilio Plenario ti Filipinas:
Kasano a makapagbiagtayo a Kristiano? (Kasanotay nga agbiag a kas Kristiano? Kasanotayo nga agbiag a kas Filipino a Katoliko?
Iturongnatay ken Cristo dagiti sungbattayo kadagitoy a saludsod.
Mangted ti Maikadua a Konsilio Plenario ti Filipinas (KPF2) iti maysa a Christology (Kristolohiya – adal maipapan ken Cristo) a mangibuksil iti credo/ pammati dagiti Apostoles:
Ni Jesus ti Nazaret, naisikog babaen ti pannakabalin ti Espirito Santo ket impasngay ni Birhen Maria.
Ni Jesus a nangasaba ken nagar-aramid kadagiti milagro.
Nagtutuok (nailansa iti krus) iti panagturay ni Poncio Pilato, natay ket manipud kadagiti natay, nagungar.
Ni Jesus nga itan adda a sibibiag iti makannawan ti Ama – ngem agtultuloy nga adda iti sidongtayo.
Segun ti Maikadua a Konsilio Plenario ti Filipinas (KPF2):
“Kasanotayo nga agbiag a kas Katoliko a Kristiano?”
Babaen ti PANANGAM – AMMO (Know – Knowledge)
PANANGAYAT ken PANANGSUROT ken Cristo iti IGLESIA
Isu’t gapuna a napateg a pampanunotentayo ti RUPA ken PUSO ni Jesus ket saritaentayo/ salaysayentayo manen iti bagbagitayo ti pakasaritaanna tapno adda “turay”, pannakabalintayo a mangiyallatiw ti pakasaritaanna iti pada a tao.”
PANANGIYALLATIW/PANANGISALAYSAY iti Pakasaritaan ni JESUS.
(Adda koma videoclip a maipapan ken Jesus)
Idi punganay, addan ti Sao, ket ti Sao kadua ti Dios, ket ti Sao, Dios. Manipud idi punganay, ti Sao kadua ti Dios. Pinarsua ti Dios dagiti isuamin babaen kenkuana. Ket awan ti naparsua no saan a gapu kenkuana.
Ti Sao isu ti gubbuayan ti biag, ket daytoy a biag isu ti silaw dagiti tattao… Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kaikaisuna nga Anak ti Ama. (Juan 1:1-5, 14)
Ni JESUS nga Anak ti Dios ket imbaon ti Ama gapu ti ayat.
Naisikog babaen ti pannakabalin ti Espirito Santo, impasngay ni Birhen Maria.
Naipasngay iti sidong dagiti napanglaw ket dimmakel iti sidong dagiti napanglaw ti Nazaret.
Dimmakkel iti gagangay nga annayas ti panagdakkel ti tao.
Iti panagbuniagna, naipakaammo nga isu ti dungdungoen unay nga Anak ti Dios, ti mannakabalin nga Ama, napno iti Espirito Santo.
Kalpasan ti panagnaedna iti let-ang, inrugina ti public ministryna
Inayabanna dagiti adalanna a nangkadkadua, kimmuykuyog kenkuana iti ipapanna kadagiti barbario, purpurok ti Israel.
Impakdaarna ti idadateng ti Pagarian ti Dios nangnangruna kadagiti napanglaw, babaen ti panangpaimbagna kadagiti masakit ken iti panangpaksiatna kadagiti demonio a naisimbolo iti panaglalanglang.
Binabalawna ti basol ken kinadakes iti kagimongan, nagangayanna, saan a nagustuan dagiti agdama a turayen.
Nakaunget kenkuana dagiti aglaklako iti templo idi winarawarana ida.
Nakapungtot dagiti kabusorna gapu iti daytoy.
Nakipangan kadagiti adalanna iti Maudi a Pangrabii ket indatonna ti tinapay ken arak a nangisimbolo iti bagi ken darana – a maidatonto iti sumuno nga aldaw – Binuggoanna ti saksaka dagiti adalanna – a simbolo ti biag ken ipupusayna – maysa a napnoan ayat a panagserbi iti biag a maipakitanto iti ipapatayna –
Insikat ti maysa kadagiti adalanna, naisaklang iti Sanhedrin ken iti gobernador ti Roma, nailansa iti krus a kas maysa a kriminal ket pimmusay a kas maysa a biktima ti inhustisia.
Iti maikatlo nga aldaw, nagungar kadagiti natay. Immuli’t sadi langit ket imbilinna kadagiti adalanna nga ituloyda ti missionna. Addan a situtugaw iti makannawan ti Ama.
Agtultuloy nga adda iti sidongtayo ni Cristo a nagungar: “Addaakto a kankanayon iti sidongyo agingga iti panungpalan.” Adda ni Jesus iti pakasaritaan ti lubong ken iti pakasaritaan ti tunggal maysa. Mabalintayo a kasinnarak iti inaldaw-aldaw a panagbiagtayo. Adda ni Jesus iti nakristianoan a gimong – ti Iglesia, nga isu ti Bagina. Adda kadagiti sakramento – nangnangruna iti Nasantoan a Eukaristia.
Mabalintayo ti agkararag kenkuana ket dengdenggenna dagiti kararagtayo. Adda iti rupa ti tunggal nakurapay ken agkasapulan.
Iti arinunos ti panawen, umayto manen a siglogloria tapno ukomenna dagiti sibibiag ken dagiti natay. Iringpasnanto ti trabaho ti pannakaisalakan ket agballiginto nga awan pagkuranganna ket parmekennanto ti pannakabalin ti basol ken kinadakes.
JESUCRISTO TI NAZARET – KABABALIN KEN KINASIASINONA
1. Panangipangpangruna kadagiti Napanglaw
Naipasngay ni Jesus iti sidong dagiti napanglaw ket dimmakkel a kas maysa kadakuada.
Nakikaysa kadagiti napanglaw. Nakipagrikna kadagiti napanglaw.
Impakdaarna ti Naimbag a Damag ti Pagarian/ wenno pannakawayawaya dagiti napanglaw.
Kaaduan a dagiti napanglaw ti pinaimbag ken pinakpakanna.
2. Kinasinged iti Nakaparsuaan
Asideg iti nakaparsuaan, kasla pagtaenganna ti kabakiran ken ti kabanbantayan
Awan ti permanente a pagnaedanna. Masansan a nagalis-alis.
3. Managkararag a Tao
Adda man iti patad, kataltalonan wenno kabanbantayan ken iti let-ang. Binusbosna ti adu a panawenna a nagkarkararag, nagul-ulimek, nagmaymaysa.
Daytoy ti nangipasimudaag iti nasinged a pannakikaysana iti Dios nga Ama nga inawaganna iti ABBA.
4. Nagusgustoanna ti nakipangpangan kadagiti gagayyemna.
Saan a managayuno/managpenitensia a kas ken Juan Bautista,
Manmano a nagay-ayuno, masansan a nakipangpangan, nakilanglanglang kadagiti gagayyemna. Paset ti panagserbi – panangasabana ti pannakipangan, pannakilanglang: daytoy ti simbolo ti pannakigayyem ken pannakisinninged, pannakiranudna kadagiti tattao.
5. Nasinged a pannakiranud/ pannakigayyem iti pada a tattao.
Addaan ni Jesus iti kabaelan a makilangen iti nauneg ken nasinged a wagas. Nakilangen a kas maysa a gayyem kadagiti tattao.
Nakilangen a sisisinged kadagiti adalan ken apostolna:
“Saanen nga adipen ti awagko kadakayo, ngem ketdi gagayyem.”
Naibagana kadakuada: “Agiinnayatkayo a kas panagayatko kadakayo.” Uray pay kadagiti apostolna, adda dagiti imbilangna a nasinged a gagayyemna, da Pedro, Santiago, Juan ken Andres.
Indiaya ni Jesus ti pannakipagayamna kadagiti nakurapay, dagiti maikuskuspil, mailidlidding iti kagimongan.
Naiskandalo dagiti Fariseo iti kastoy nga inar-aramid ni Jesus ket inaw-awaganda iti “rawet, mammartek, gayyem dagiti managbasol ken agsingsingir iti buis.”
Ti simbolo ti kinasinged ni Jesus kadagiti gagayyemna ket ti “pannakipangan iti lamisaan/pannakilanglang.”
6. Siraragsak a nakipulpulapol kadagiti babbai.
Rinaemna dagiti babbai ken naaddaan ti gagayyem a babbai (iti Ebanghelio ni Lucas, sinarungkaranna da Marta ken Maria).
Adu a babbai ti simmursurot ken Jesus – a nangtartaripato kadagiti kasapulanna – ken nagtalinaed uray agingga iti sakaanan ti krus sadiay kalbario. Iti kasta makunatayo nga imbilangna pay dagiti babbai a gagayyem ken adalanna. Saan a gagangay daytoy idi panawen ni Jesus a mangibilang kadagiti babbai a maikadua laeng a klase nga umili.
Iti Ebanghelio ni San Juan adda pasetna a liwliwaen ni Jesus da Marta ken Maria iti panawen ti ladingitda. Kasta unay ti pannakipagrikna ni Jesus kadakuada.
Ti nasinged a langenlangen ni Jesus ken ni Maria Magdalena ti maysa pay a pangarigan. Nagparangan ni Jesus kalpasan ti panagungarna - isu ti immuna a nagparangan ni Jesus kalpasan ti panagungarna.
7. Tao a Manangngaasi
Maysa a tao a napno ti asi ti pusona kadagiti nakurapay, maipaspasuli, masaksakit, madasdasig, mailidlidding, kadagiti agsagsagaba ken matutuok.
“Idi makitana dagiti adu a tattao, naasian kadakuada ket inagasanna dagiti masakitda” (Mt. 14:14)
Ti balikas a Kaasi/ Panangngaasi, pannakipagrikna ket narabaw a balikas a mangiladawan iti karirikna ni Jesus a natukay unay. Ti orihinal a Griego a balikas “splagchnizomai” iladawanna ti panagkintayeg dagiti nanguneg.
Gapuna a naglaka a matigtignay ni Jesus iti rikriknaen ti pada a tao, sagsagabaen ti pada a tao.
Masansan a gapu iti kinamanangngaasina dagiti milmilagro nga inar-aramidna.
Nagayos manipud iti kinamanangngaasina dagiti ar-aramid pammakawanna.
Nalaka a nagkatkatawa ken immis-isem.
Nadaras a makalua nangnangruna iti pannakakitana kadagiti natay, idi natay ni gayyemna a Lazaro ken ti balo ti Naim a pimmusay ti bugbugtong nga anakna.
8. Tured ken Pannakisangonsango
Saan a nagbuteng a nangsango ni Jesus iti kinadakes ken kadagiti turayen.
Saan a nagamak a nangbabalaw kadagiti Fariseo nga inawaganna nga ipokrito. Binabalawna dagiti Fariseo ta maseknanda unay kadagiti nalabes a panangtungpal kadagiti linteg ni Moises.
Maseknanda unay iti panangtungpal iti panagsanto ket nalibtawanda ti maipapan iti kinamanangngaasi ken kinalinteg. Saan a nagamak a nangsalungasing iti linteg ti Sabado tapno laeng makaipaay iti imbag iti padana a tao. Saan a nagamak a nangbugaw kadagiti agpaspasukat ti kuarta iti templo. Napakumbaba ngem saan a kankanayon a naemma ti panagpuspusona. Nakaunget iti sangoanan ti kinadakes.
9. Siwawaya a tao
Pudno a siwawaya a tao.
Nagtignay, nagkuti segun iti bukodna a panunot ken pangngeddeng.
Saan a binalud wenno tinukay wenno pinaggunay ti bukodna a kultura, kannawidan, kaugalian ken annuroten dagiti tattao idi panawenna.
Saan nga inturturong dagiti bukodna a rikna, tarigagay, kinamanagimbubukod, kinaameng.
10. Tao para iti padana
Saan la a nagbibiag para iti kabukbukodanna.
Nagbiag para iti sabali – para iti pagarian ken ti sangkataoan.
Napno iti regta para iti pagarian.
Maysa a tao a napno iti panagayatna para iti pada a tao – nangnangruna kadagiti napanglaw, dagiti nakapsut ken dagiti nabaybay-an.
11. Fully Integrated Human Being
Tao a nabukel iti amin a kasasaad nga awan pagkuranganna.
Nagtibnok kenkuana ti kinatibker ken kinaamo.
Nagtibnok ti kabaelanna a makapungtot, agkatawa ken makalua.
Tao ti panagkararag ken panagtignay.
Rinaemna ti tradision ngem nabalinanna a saan nga ikaskaso/ipateg no kasapulan.
Napno iti kinamanangngaasi ngem kabaelanna ti mangbabalaw kadagiti mangikuskuspil.
Agayuno ken makilanglang kadagiti gagayyemna.
Natibker ken naandur iti saklang ti aniaman a dumteng a pakasuotan, uray pay ni patay.
SIASINO A TALAGA NI JESUS?
ANIA TI PATIENTAYO KENKUANA?